Tag Archives: oporrak

Tourra, ikurrinak, eskuoihalak eta ‘roaming’-a

0
Egilea: Teketen | Lizentzia: cc-by-sa

Egilea: Teketen | Lizentzia: cc-by-sa

Udaberri gabeko urte honetan, udara hasi delako zantzu guztiak daude. Hemen dira Tourra, festak, hondartza… Normalean garai honetan jendea, baita sareari dagokionez ere, motelago dago. Aurten ere horrela izango da, baina momentuz bada bizitza.

Txirrindularitza eta siesta gustatzen zaizkionak erraz lotzen du garai hau Tourrarekin. Bertan, Andy Sleckek idatzitako mezu honek euskaldunengan eragina izan du.

https://twitter.com /andy_schleck/sttus/353900502179786752

Euskaldun edo basque diren kirolari askok egin izan ez duten gauza arrunt batek, antza, jendea harritzeko gaitasuna dauka; ohikoa ez den seinale.

Ohikoa baino gehiago, tradizionala deituko nioke, jada, Iruñeko sanferminetan ikurrina sartzen saiatzeari. Aurtengo ekinaldi berritzaile moduan, alde batetik besterako soka batez ikurrin erraldoi bat jartzea lortu izana.

Ikurrina duten Quechua kanpadendak ere  agertu dira berrikuntza moduan. Jakina da euskaldunok kanpadendei diegun miresmena, laster zeinek daki Pirinioetan edota Iruñeko edozein zelaitan ikusiko ditugun.

Jende askok hondartzara eramaten ditugun eskuoihalak ere. Nire kasuan, gainera, Nexus 4 sakelakoa, Nook Simple Touch, diru eta txartel zorro sintetiko bat eta botilak irekitzekoa duen giltzatakoa eramaten ditut.

Nahiz eta hondartzara joan, gutako askok buruan dugu jada gure oporraldia. Planak egiteko, noski, denok erabiltzen dugu Internet. Halere, oraindik oso ondo konpondu ez duten arazo gehigarri bat dago, joan behar dugun tokian konexioaren beharra.

Konpainiek eskaintza bereziak eta hainbat aukera eskaintzen dizkiguten arren, gehienak garestiak dira. Europan, 2014rako roming-a amaitu nahi dute, baina bitartean, arazo hori konpontzeko, hainbat zerbitzu eta aplikazio sortzen hasi dira, horietako bat Roamerapp.com.

Tresna hori erabiltzeko, aplikazioa instalatu behar dugu. Ondoren, gure deiak zerbitzu horretara desbideratzeko eskatuko diogu sistemari. Gure oporretako tokira iritsita, SIM merkeena erosi eta sartuko diogu gure sakelakoari. Sistema arduratuko da deiak zenbaki berrira bideratzen. Horretaz gain, erosi dugun SIM horrek Internet zerbitzu merke bat atxikitua badu, askoz hobe.

Artikulu hau Berria egunkarian publikatu da Irlen Sarea atalean.

Erlazionatutako bidalketak:

Oporretarako aplikazioak

7

Ohitura ona izaten da oporretara goazenean maletarekin batera, Android mugikorra ere prestatzea. Oporretan gaudela behar dugun informazio guztia, edo gehiena, gure eskuetan izatea lagungarria izaten da. Mota askoko opor bidaiak egin daitezke, eta hauetako bakoitzean modu bateko edo besteko informazioa beharko dugu. Informazio guzti hori behar dugunerako erabilgarri izateko, oporretara joan aurretik erabiliko ditugun beharreko aplikazioak identifikatu eta instalatu beharko ditugu.

Oporretan Google Maps askotan erabiltzen da. Bisitatzen ari garen hirian edo lurraldean kokatu gaitezke mugikorraren GPS-aren bitartez. Mugikorrean Interneterako konexioa baldin badugu, ez dugu arazorik izango Googlek ematen dizkigun datu guztietara sarbidea izateko. Aldiz, roaming-a aktibatu nahi ez badugu, oporretara atera baino lehen bisitatu nahi dugun lekuaren mapa deskargatu beharko dugu, oporretan gaudenean Internetik gabe mapa ikusi ahal izateko. Mapa aurretik deskargatzeko bi bide daude. Orain arte, aplikazioaren menuan, “konexiorik gabe erabilgarri” botoiari emanaz deskargatzen genituen beharrezko mapak. Baina azken astean, Google Maps apliakzioak 7. bertsiora egin du salto eta hemendik aurrera ez dugu deskargatutako mapak kudeatzeko aukerarik izango. Hala ere, antzeko aukera bat erabili daiteke nahi ditugun mapak offline kontsultatu ahal izateko. Orain, nahikoa da pantailan deskargatu nahi dugun mapa zatia aukeratzea, eta bilaketa gelaxkan “ok maps” idaztea. Estatu batzuetan oraindik ezin dira deskargatu, Espainia kasu, baina beste askotan zerbitzua erabilgarri dago. Aplikazioa egunero erabili behar ez badugu ere, momenturen batean estualdi batetik atera gaitzake.

Screenshot_2013-07-15-12-41-15Oporretara joateko hegazkina beharko badugu, Skyscanner aukera interesgarria izan daiteke. Hegaldi bilatzaileen artean bilaketa egin eta aukera merkeenak erakusten dizkigu. Erabilera errazekoa da eta aukerak azkar topatzen ditu. Edonora bidaiatzeko aukera ematen du eta hegaldia aukeratzerakoan erreserba egiteko helbide zuzenera berbideratzen gaitu.

Hegaldia lotuta dugula, lotarako lekua topatzea onena. Airbnb zerbitzuaren aplikazioa instalatu dezakegu horretarako. Airbnb partikularren etxeak, apartamentuak edo logelak alokatzeko balio duen sare soziala da. Aplikazioaren bitartez gure erreserba eta jabeen argibide guztiak jarraitu ahal izango ditugu. Zerbitzu honen bidez leku merkeak zein luxuzkoak topa ditzakegu. Aldiz, gure asmoa kanpinetara joatea bada, Youcamp eskura edukitzea lagungarri izan daiteke. Aplikazio hau ordainpekoa da, baina kanpinetik kanpinera mugitu behar badugu, balio duena ordaintzea merezi du.

Bisitatu nahi dugun tokia ondo ezagutzeko, beste bidaiarien proposamenak, beraien opor planak, argazkiak eta bestelako aholkuen bidez informatzea ondo etorriko zaigu. Minube aplikazioan webgunearen bertsio mugikorra topatuko dugu. Minube bidaiarien sare soziala da. Bertan bidaiarien aholkuak topatuko ditugu, gure bidaia ahalik eta gehien aprobetxatzeko erabili dezakeguna. Oporretan kirola egin behar badugu aldiz, Wikilock aplikazioa oso aukera egokia da. Bertan izen bereko sare sozialeko informazioa eskura izango dugu. Bizikleta, trekking, ibilaldiak eta askotariko kirolen ibilbideak aurkituko ditugu.

Oporretan gaudela, mugikorra erabiltzea batzuetan arazo bilakatzen da, bisitatzen ari garen herrialdean Interneteko konexiorik ez dugulako. Arazo hau ekiditeko eta wifi aske baten bila arratsalde osoa ez galtzeko, aplikazio gehiago instalatzea onena. Irtenbideetako bat Roamer zerbitzua dugu. Roamer zerbitzuarekin helburu dugun herrialdean aurreordaindutako SIM txartel merkea erosiko dugu, eta aplikazioak, gure betiko mugikor zenbakiaren deiak SIM berrira berbideratuko dizkigu. Gainera, Interneten ibiltzeko SIM berriaren tarifa merkea erabilgarri izango dugu. Beste irtenbide bat, Wifien mapak osatzen dituzten aplikazioren bat instalatzea litzateke (Adibidez: “WifiPass”, “instabridge” etab.). Aplikazio hauetan guregandik gertu dauden wifiak erakutsiko dizkigute eta jendeak konpartitutako wifien pasahitzak erabili ahal izango ditugu.

Oporretarako plangintza adina aplikazio daude instalatzeko prest, asko doakoak, beste asko ordainpekoak. Gure oporrekin hoberen bat datorren aplikazioak aukeratu eta instalatzea besterik ez dugu egin behar. Edo bestela, mugikorra etxean utzi eta besterik gabe, disfrutatu!

 

Artikulu hau Gaur8 astekarian publikatu da.

Erlazionatutako bidalketak:

Oporretarako p2p alokairuak

3
airbnb

Egilea: Tricia Wang 王圣捷 | Lizentzia: cc-by-sa-nc

Oporretarako denbora baterako alokairua aspaldiko kontua da, baina orain, Interneti esker, gorantz doa. Bezeroa eta etxearen jabearen arteko zuzeneko harremana sustatzeko, Airbnb.com, 9flats.com eta halako webguneek egiten dute hori posible.

Webgune horiek bi aldeen arteko harreman zuzena ahalbidetzen dute. Bitartekaritza lana egin bai, baina ondoren bien arteko harremana zuzena da. Hori bai, zerbitzuagatik %6-15 arteko komisio bat kobratu ohi dute tresna erabiltzearren.

Tresnak ingurune ziur bat eskaintzen du, konfiantza garrantzitsua izaten baita gai horietan. Etxea alokatzen duenak aseguru maila batzuk izaten ditu. Bezeroak, berriz, etxean aurretik egondakoen kritikak jakiteko aukera du, baita jabeak bozkatzekoa ere.

Gero eta ohikoak izango dira erabiltzen ez ditugun gauza, lokal, etxe… elkarrekin trukatzeko, saltzeko edo alokatzeko aukerak. Horrek orain arteko egituretan eragiten du noski, eta ez dira gutxi agertuko diren zailtasunak. Kasu honetan, argi dago hotelen enpresa handien lobby-ek era honetako alokairu moten aurka agertuko direla.

Normalean jendartea baino mantsoagoak diren legeek ere zenbait arazo sor ditzakete. Espainian, adibidez, HEL Hiri Errentamenduen Legea aldatzeko proposamenek zerbitzu hauei trabak jar diezazkiekete. Dirudienez, erkidegoen esku geldituko dira erabakiak, baina ez da ezer ziurra oraindik. Legedia moldatu beharko da zerbitzu hauetara, jendeak, bestela ere, lege hutsuneak baliatuko baititu.

Zerbitzu hauek etxebizitzen aisiarekin lotutako erabilera sustatzen dute batez ere. Onurak besterik ez du ekarriko, eta, gainera, pertsonen arteko tratuek Euskal Herriari buruzko beste ikuspuntu batzuk izatera ekar dezake.

Hala ere, ezin dugu ahaztu etxebizitza berezko eskubidea behar duela izan, eta era honetako legeen aurretik ere, beste erabaki batzuk egon beharko luketela. Etxegabetzeek erakusten duten errealitate krudela ere kontuan hartu beharrekoak dira.

Ezin ahaztu etxebizitzaren funtzio nagusia bizileku izatea dela. Kontrakoa pentsa badezakegu ere, zerbitzu hauen erabiltzaile gehienak alokatzen dituzten etxeetan bizi ohi dira. Faktore horiek guztiak kontuan hartuta sor daitezkeen balizko legeek posible egin behar dituzte, oreka baten barnean, eredu berri hauek.

Artikulu hau Berria egunkarian publikatu da Irlen Sarea atalean.

Erlazionatutako bidalketak: